Ils artists

Autura: Sabrina Bundi (*1984 a Surrein)

Schi daventa serius sin Radio Rumantsch, lura è fitg savens d'udir la vusch da Sabrina Bundi. Per ils furmats da news producescha ella contribuziuns radiofonas cun il pais sin politica, scola ed economia. Avant è han ins pudì leger dad ella pli u main mintga di da «bun» Sabrina Bundi en il Bündner Tagblatt. Sco unica rumantscha da la redacziun ha ella tgirà quai che capita en rumantschia, en la politica chantunala ed era en la cultura rumantscha. Per ina u l'autra lingia grossa è ella schizunt sezza la "culpa". Sfegliar en la Crestomazia enconuscha ella anc bain da ses studi da germanistica e rumantsch. Per cumpensar in zichel la paisa da Muoth, Decurtins, Goethe, Schiller e consortas è ella era sa dedicada ad auters gronds filosofs: Tick Trick e Track, Primus von Quack e Daniel Düsentrieb.

Sabrina Bundi

Riccardo Frezza

Artist: Riccardo Frezza

- Scuola Internazionale di Comics a Roma «One Shot One Zombie», iComics; «Alien in love« da Luca Blengino, Bugs Comics; «Punture e Veleni» da Andrea Guglielmino, «Dead Blood», Noise Press; «Le esequie durature» da Giuseppe Congedo, «Mostri», Bugs Comics; «Cena di fidanzamento» da Andrea Guglielmino, «Mostri», Bugs Comics; «Roberto Recchioni presents: The Masters of Horror.», «The Strange Case of Doctor Jekyll and Mr. Hyde» (debut)
Illustraziuns per la Canale 9, «Tutti pazzi per Morandi e Rovazzi»; Dissegnader per la serira «The Editor is in», Sky

Dissegnadra: Tina Valentino

Scuola Internazionale di Comics a Roma
Gudagnà in stipendi da studegiar en il Japan en ina scola da comics ed animaziun; Lavurà sco illustratura per «I Grandi Classici da Geronimo Stilton» e «True Blood» #6 (IDW); da preschent dissegna ella per TOP COW (gia publitgà: «Rise of the Magi»; Publitgà per Clair de Lune ses comic da debut «La Driade»; Collavurà per «Mono», «Noir», «Batman Crime solver», «The Thing: Artbook», «Amazzoni» e «Stazione 31» (Passenger press), ed il cover per «Midnight Roads-frammenti»; Tuscha per Aspen e Zenescope

Tina Valentino

Mathias Durisch

Dissegnader: Mathias Durisch (*1978 a Domat/Ems)

Mathias Durisch ha emprendì da dissegnader da maschinas tar EMS Chemie. El ha studegià Industrial Design a la Zürcher Hochschule der Künste e tranter il 2006 ed il 2016 ha el manà el la partiziun da design da X-Technology Swiss R&D. Uschia è el stà responsabel per las marcas da vestgadira ed equipament da sport d'elita X-BIONIC, X-SOCKS ed APANI. Uss è Mathias Durisch graficher sur sa sez. Per sia lavur è el vegni premià diversas giadas: Eidgenössischer Preis für Design 2005, iF Concept Design Award 2004, emprim premi Insider by Henniez Wettbewerb, finalist dal Braunpreis 2003 Ils da Domat conuschan Mathias Durisch forsa il meglier pervia da ses maletgs da tschaiver renomads ch'embelleschan mintg'onn l'ustaria Term Bel.

Autur: Michel Decurtins (*1977 a Trun)

Ils blers rumantschs conuschan oravant tut sia vusch: Michel Decurtins è stà durant onns schurnalist da radio tar RTR ed è s'occupà da la politica e da l'economia. Uss maina el la redacziun online da RTR. Durant ses studi da la politica e rumantsch ha el porducì var 60 gieus auditivs satirics. Auters projects èn ed eran l'emprima sincronisaziun d'in film dad Asterix per rumantsch, reschia da Vita Capita (ina radionovela dal Radio Rumantsch) ed R-Tunes (l'emprim label da musica rumantscha). Dapi ch'el po leger, è Decurtins fascinà da l'art da comics. Oravant tut ils artists americans sco Jeff Smith, Mike Mignola e Frank Miller han laschà anavos lur fastizis tar Decurtins. En il «Crestomat» cumbinescha el sia passiun per comics cun ses interess per l'istorgia e la cultura rumantscha.

MD